De Bacchusklup is ontsjtaon in 1947 in ein kefee aan de Werf. De kaartklup in die kefee is de grondjlégker waat toet op heje bekint sjteit es De Bacchusklup.
In de jaore 70 is de Bacchusklup euvergedrage aan watersjportvereniging 'Nautilus'. Dao haet de klup veurnamelik naam gemaak mit de sjoon wages die men boewde veur de Remunjse optoch. Optochwages woor ze euveriges in die tieje vaak eine pries mit wonne.
In 1990 waert de Bacchusklup vanoet Nautilus nao de Amstelklup gehaold, woor de klup 17 jaor lank de nuuje Bacchus présenteerde aan ein altied bomvolle kroeg.
In 2008 is de klup verhoes nao 't sjtasieplein, woor ze toet op heje häör nuuje veurgenger prizzentere aan 't pebliek. Nao 3 jaor Café&ZO, en 14 jaor Le Journal (2011) is noe De Pauw (2025) aan de beurt. Euverigens waert dit oetrope biejnao altied gedaon op de eerste zóndaag van jannewarie.....
De Bacchusklup heurt biej Bacchus es de raod van 11 heurt biej eine prins. 't Grote versjil is det de klup gein próttekol kint, wiej al die anger vereniginge det waal höbbe. Elk jaor sjtart de Bacchusklup de 11 van de 11 ónger 't motto: nieks mót, alles moog!
In jannewarie 2024 is ’t Bacchusdrieve in Remunj (elk jaor op de dinsdaag van de vastelaovend) erkint es Immaterieel Erfgood.
Door de historie haer, is de Bacchusklup ein erkinde vastelaovendsvereniging die 't sjpel op heur eige meneer sjpeelt.
Bezeuk os ouch op de socials veur 't letste nuujts en videos:
