2010 Bacchus Marco I

 

Väöl miense zólle zich aafvraoge, waem is hae danne! Nou, det zal ich uch ins ff gaon vertelle.

Miene naam is Marco van Vlodrop, Ich bön 30 jaor jonk en kóm van ‘t dörp Herte, gebaore en getaoge in Ool.
Offiesjeel bön ich eine echte Waterrat in hert en nere, allein dit jaor effekes neet.

Zoals ich al zei bön ich gebaore en getaoge in ‘t dörpke Ool, en noe woon ich toch al weer 5 jaor same mit mien maedje Sandra in Herte.

Mien hoofinkómme det krieg ich edere maondj euvergemaak van Sars insjtelasie bedrief in Remunj.
Dao zit ich op kantoor es regelnaef.
Dus es geer auch mer get gedaon mot höbbe van de Kaetel toet aan de maeterkas en truuk, zit geer biej ós aan ‘t gooj adres!

Verder kinne de miense mich auch nog van de diverse vereniginge wo ich biej bön.
De sjötteriej oet Ool, Sint Michaël en natuurelik De Waterratte oet Ool.
En es ich dao neet mit bezig bön den sjtaon ich waal äörges in ein kefee of zaal plaetjes aanein te zeivere.

Zo, genog euver michzelf,

 


Marco en Sandra

Mien adjudante, diej höb ich mit väöl zurg oetgezóg :

De eerste:

Tim van Vlodrop, miene naef. Auch eine gooje kandidaat om Bacchus te waere!,
Mit hem doon ich altied diej plaetjes drejje ónger de naam: Heppie Wiro’s.

Tim dae wirk biej UPS wo d’r veural zeer internatsjenaal bezig is om uch pekskes van hot nao heur te kriege.
Same mit zien maedje Eva (van kefee deTram) weit ich zeker det ich aan hem, eine gooje adjudant gaon höbbe.


Tim en Eva

De tweede:

Martijn Vossen, roopnaam Fuchs, gooje kammeraod van mich.
Mit Fuchs daobiej is ‘t altied fees. In 2003 bön ich mit Tim nog adjudant van hem gewaest wiej hae prins waas van de Waterratte.
Martijn dae wirk biej van der Valk oppe Keulsebaan wo d’r Cipier is.
Hae woont same mit zien maedje Anoushka in Herte.


Martijn en Anoushka

De Derde:

Maurice Helwegen, roopnaam Ties, is auch eine gooje kammeraod van mich wo ich al heel get uurkes bartied mit achter de rök höb.
Ties is de aajste en de versjtenigste van ‘t sjtel en veer haope dan auch det hae dit gevaarte ein klein bietje oppe rails probeert te haaje. (bön benuujd).
Ties wirk biej ein bedrief woor ze transportbenj make,hae woont same mit zien maedje Marlous in Remunj.


Ties en Marloes

Nou, noe weit geer zat euver ós.Ich haop det ich uch dök taege moog kómme dit sezoen in de sjtad of äörges in ‘t dörp.
Want geer weet natuurelik miene sjpreuk:

Dörp of sjtad, alles geit plat!!!!!!!!!!!!!!!!!!!!!!!!!


Waas geteikend,

Bacchus Marco I