In 2002 regeerde Eugene van de Houten euver Remunj es Bacchus Gené I.
'Zien adjudante ware Dave Oitmann en Bert Tobben die gekleid ginge in ein dokters pekske mit eine witte helm.
Dit waas omdet Eugene al van kiends aaf, sokkerpasjent waas en aaf en toe mediese hulp neudig had.
Ziene sjpreuk: ALAAF MIT MIENE SOKKERSJTAAF waas dan auch op zien lief gesjreve.
Zien oorkondes ware ein klein sokkersjtaefke die men ech kós opaete. De kienjer ware dan auch neet van Eugene aaf te houe!
In 't jaor det Eugene Bacchus waerde, waas ziene aaije kammeraod Raymond Reijnders prins van D'n-Uul.
Det höbbe ze biej D'n-Uul auch geweite.
't eerste wiekend det de twee zich taegekwame biej de Amstelklup,
waerde d'r al ein verkleidpartie gehaaije.
Bacchus en adjudante lope mit de kleier van 't Uule gezelsjap rondj en angersom net zo.
Die aksie had de prins van D'n-Uul bienao zien prinsesjap gekós nao ein wiekend!!!!
Mit 't Bacchusdrieve waas ein van zien adjudante zo nao de klote van al die daag,
det ze hem oeteindelik mit eine ambulans höbbe aafgeveurd.
Oeteindelik nieks aan de handj. Diagnose: Te väöl gezaope, te weinig gegaete en te weinig gesjlaope!
Tiedens 't Bacchusdrieve haet Eugene nog zien toenmalige vriendin a pebliek, ten huwelik gevraogd.