BACCHUSTIED!
Hiej bön ich dan, Barry Lutgens 30 jaor en al 13 jaor gelökkig same met mien vriendin Sandra Vaessen oet Zjwame.
(normaal auch eine grote vastelaovend vierder.)
Allein dit jaor zal det veur Sandra get lestiger waere want veer kriege gezinsoetbreijing.
Jao, Gigi en Luka kriege d’r ein breurke of zösterke biej.
(Inmiddels is ós dogter Numi op 15 fibberwariej gebaore).
Barry (ein sjtökske oet de krant)
Sandra en ich
Luka Gigi
Numi
Waat doon ich eigelik in het dageliks laeve. (erg väöl)
Om te beginne,
Ich höb ein eige bedrief geneump: ‘Van A naar Barry’ (van a naar beter)
Hiej wirk ich mit luuj die aan de ongerkantj van de maatsjepiej laeve.
Dink auch bv. aan jongere en hangjongeren en luuj die hulp neudig höbbe mit van alles en nog get.
Daonaeve run ich same mit mien bruurke Kevin (adjudant) ‘t sjoonmaakbedrief ‘Schoonmaakbedrijf Lutgens’
Veer make eigelik alles zuuver van A toet Z en drage zo auch ós sjteinke biej om Remunj zuuver te haje.
Gaon veer ff verder want ich bön d’r nog neet.
Ich wirk auch nog biej ‘RadarUitvoering’ Zuid Nederland.
Hiej doon ich eigelik ’t zelfde wirk es in mien eige bedrief ‘Van A naar Barry’
En es ’t dan nog neet genog is, gaef ich auch nog ein aantal kere per jaor les biej de SVS B.V.
Hiej doon ich miense opleije die wirke in de sjoonmaak.
En es ich dan nog get vrieje tied euver höb, besjteej ich det gaer mit mien gezin.
Oh jao, Bacchus 2012 haet auch nog get hobbies.
Zo gaon ich gaer nao de sauna en doon ich aan judo biej Kai in Sho.
Zo aaf en toe ren ich auch nog get door de buurt om mien kondisie op piel te haje en klus ich gaer get biej aan de kiet.(es ich tied höb)
En omdet ich eigelik al zo väöl tied höb, is miene sjpreuk dan auch:
Bacchustied!
Zo, noe ff nog mien adjudate veurstjtelle.
De eerste is Kevin, mien breurke van 29 (de enige vriegezel van ós 4)
Kevin is auch woonachtig in Remunj en hae duit ech alles zuuver make in de regio
mit ós sjoonmaakbedrief.
Kevin is begonne es glazewasser en runt noe same mit mich ’t bedrief.
Omdet d’r de ganse daag zo’n 18 miense mot aansjture, haet d’r gelök det ós mam de papiere kraom veur hem regelt oppe zaak.
Verder duit de jong gaer sjporte, sjlaope en buize es d’r tied haet.
Kevin haet eigelik auch geine tied maar veur mich haet d’r gaer get…. Bacchustied!
Kevin
De tweede adjudant is Marc Schmitz. 34 jaor, woonachtig in Remunj en is same mit Paulinda.
Marc is al heel lang eine goje kammeraod van mich en is al jaore Bacchusfen.
Euveral woor d’r kump in de waereld maakt d’r fotos mit de Bacchussjaal.
Van beroep is Marc knäöksjpesialist (fysiotherapeut) en hae gif les biej Fontys in Eindhove es knäökeleraar.
Marc haet auch ein eige bedrief woor ze echografiee make van de sjpiere in ’t lichaam. Auch hiej gif d’r les in.
Maar net zo es de res haet Marc auch weinig tied, maar waal veur…. Bacchustied! 
Marc
De derde en letste adjudant is Rene Deckers.
Rene is al vanaaf de brökklas miene kammeraod en hae is de einige dae gein plat sjprik.
Ich bön al jaore mit hem bezig om te zurge dat d’r det waal sjprik.
Verder woont der op twee plaatse, nl. in Remunj en in Uden (omdet zien vlam dao vanaaf kump).
Rene wirk es inzjenjäör bie ASML in Veldhove.
Hiej make ze mesjiene die sjips make en die sjips zitte dan weer euveral in. (sjnap geer ’t nog?)
Verder duit der gaer get buize mit zien vrunj en auch get door de buurt renne.
En doordet der vriejt in Uden haet de jong auch weinig tied
Maar waal veur.............. Bacchustied! 
Rene a.k.a. Piet P.
Waas geteikend: Barry I, Bacchus 2012