Beste Bacchusvrunj,
Hiej bön ich dan, Bacchus 2019. Ich bön Jules Geraedts, gebaore op 21 meert 1991 in Remunj. Ich bön dus 27 jaor aad en ich woon same in Herten mit mien maedje Nyrée Linders. Vanaaf de middelbare sjool bön ich al same mit Nyrée, op 11 maart 2019 is dit persies 11 jaor. Veer höbbe ós lets ein hoes gekoch in Herten en vanaaf december wone veer dao mit väöl plezeer mit ein.
Ouch deze Bacchus mót geweun wirke veur zien geldj en ich doon det in Weert. Dao zit ich biej de pliese. Ich doon ónger angere 't köordinere van de horekadeenste (esse den mós wirke kinse maar baeter dich biej 't vuur zeen), t begleije van sjtudente en veurnamelijk röndjes rieje, kóffie drinke en donuts aete...
Maar wo de meiste luuj mich waarsjienlijk van kinne is toch van de Sjtasiefestasie (KAN WEG MATH). Sins kort bön ich veurzitter van de Sjtichting Sjtasiefestasie. 'T is ooit begós in 2002 es Jeugprins van D'n Uul (KAN WEG MATH) in 't jaor van Bacchus Gène I en adjudant (noe veurzitter) Bert, daonao bön ich door versjillende take doorgeróld nao 't mithelpe en prizzentere van de Sjolefestasie (KAN WEG MATH). Oeteindelik höbbe veer mit ein sjoon team zo waal de Sjole es de Sjtasiefestasie moge organisere en doon veer det al heel get jäorkes. Ich sjtop dus mit de vastelaovend in meert en begin meistal weer mit vergadere in mei. ónger de vastelaovend zól se mich vaker zeen mit ein blauwe sjaal (KAN WEG MATH). Ich bön namelik ouch al get jäörkes Perssjef van v.v. de Køttekløtsjers. Ein sjoon vereniging van mien vrunj.
Nao versjillende kere door Loek en Bert gepols of ich waal Bacchus wilde waere (want 'doe bös ech eine Uul') kwaam dit jaor toch de verlossende vraog. Es ich dit noe aan 't sjrieve bön, zitte veer heel erg dich op 't oetrope en gaon ich elke daag maximaal genete.
Ich höb dit jaor eine adjudant, miene über kammeraod Tim Berrevoets, dae sjtelt zich hiej ónger veur.
Haopelik gaon veer ós döks zeen (KAN WEG MATH),
Bacchus Jules 1
Waat angers!
Zo!
Tim Berrevoets
Waat bön ich bliej det 't deroet kin: ich moog adjudant zeen van miene kammeraod Bacchus Jules I.
Ich bön Tim Berrevoets, 27 jaor en laef en woon in Remunj, same mit mien maedje Larissa. En det geit veuralsnog al bienao 2 jaor goot! Veer zeen d'r zo bliej mit det ver aan't kieke zeen nao ein huuske. Euverdaag wirk ich es flierefluiter in Beesel, biej de gemeinte. In de aovend wirk ich es traener in de gymnastisse, elastisse, technisse sjport turne in Wieërt. Op mien henj loupe kin ich es de beste. Sjporte is ein groot sjtök van mien laeve. Tennis, ein sjtökske wielrenne, ein sjtökske hel loupe, ich doot 't gaer. In mei doon ich mit aan mien eerste traithlon, doe wits waal: zjwumme, fietse en loupe. Ich vinj deze Bacchustied ech ein perfekte veurbereijing, maar ich mót zégke: de miense om mich haer (wo ónger de nuuje Bacchus!) dinke van neet...
Ouch meziek beheurt toet ein van mien gebreke. Zinge en gitaar sjpele doon ich gaer in ós bend 'Bird House'. Jules is eine fen en is vaak te zeen in zien blote pens. Oug duit Jules ós waal ins begeleije mit ut mixe. Veer kinne alles, waat angers?
Maar good, anger zake zeen belangrieker. Deze Bacchustied es eerste! Ich höb 't gelök Jules al eine lange tied te moge kinne. Same make veer, vanaaf ós 8ste, al väöl same mit. Sjporte, drinke, eate, op sjtap, väöl fekansies same gemaak en ich höb al kinne oefene es adjudant. Vreuger, in 2002, waor ich adjudant van jeugprins Jules I. Waat eine sjone tied! Janke wiej beeste op de letste daag. Ein super herinnering, maar 't waor waal 't Uuleriek. En tsja, ich dink det ós sjtiel goot pas biej de Bacchusklup.
Ut waert ein fees, mit geweldig väöl beer, sjoon luuj en baove alles: 't waert ein heerlik fees.. waat angers!