.jpg)
Teun Theunissen ging de Bacchusklup veur es Bacchus van Remunj in 2007. Geine rasechte Remunjse jong, maar veur de res haaj d’r alles op en aan zich waat ein Bacchus waerdig waas. Teun waas auch de eerste Bacchus ooijt, dae ’t klaorsjpeelde om NEET op zien eige drieve te versjiene! Hae vloog ’n paar keer in eine helikopter euver de roerbrök, maar waas daonao te laat om de pop in ’t water te gooie…!
Zo sjtelde Teun zich veur aan ’t Remunjse pebliek:
Moog ich mich veursjtelle. Miene naam is Teun Theunissen (jao ech waor.) Ze höbbe mich gekaoze om dit jaor es Bacchus vastelaovend 2007 te viere.
Gebaore en getaoge in Tegele, daorom neume ze mich auch waal de Tegelse.
Ich bön 38 jaor jonk en bön vader van 2 jonges. Youri van 14 en Yorno van 10. Verder woon ich al jaore in de binnesjtad van Remunj. Vaak kom geer mich dao neet ech taege want väöl van miene tied zit in mien bedrief det gevestigt is in de buurt van Maaseik. Ich bön eigenaar van ein vleisfebriek det gespisjeliseerd is in..... WORS! Ein ech femielie bedrief woor ich al van kleins aaf te vinje bön.
Mien hobbies zeen lekker aete (es eine voelnisbak) en geer kint mich vaak vinje in de sauna woor ich mich alle worsteloch oetzjweit.
Verder wil ich gaer ein eige voetbalklup bezitte, det is miene druim. Ich bön aan't dinke om EMS euver te koupe. maar eers gaon ich van deze sjoone tied geniete.
Geer zult mich nog vaak taege komme dees waeke. En dan zék ich...:
Van Bacchus zien wors, höbse 3 daag dors!!!
.JPG)
Jan en Nelis
En auch haaj Teun adjudante…Allein, waas det neet helemaol te volge hoe det noe inein sjtook.
’t Zoot zo: De enige echte troewe adjudant waas Jan Cox. Eine rasechte vastelaovend vierder biej oetsjtek. Jan Cox, 40 jaor en zoon van Sjra Cox, dae jaorelangk de bekinste sjlieteriej van Remunj runde oppe Kemp. Jan waas prins van de Kits-Uule in 1996. In 1999 waas d’r boerebroedspaar en in 2002 waas d’r adjudant van Pieter I van de Kits-Uule. Jan is eine freelance buizer en is vanaaf ’t oetrope toet ’t verzoepe gein minuut van Teun ziene dieke boek geweke. Jan trof ze euveral en näörges aan. Wakker of sjlaopend aan de bar of äörges in eine hook van de kroeg, ’t maakte ‘m allemaol nieks oet. Ziene sjpreuk waas: ‘Van waat ich mich herinnere kan’.
De 2de man naeve Teun waas in ’t begin Loek v/d Brand. Loek waas in eerste insjtansie gevraog veer biej de bacchusklup. Det gebeurde auch en biej ’t oetrope kreeg d’r offisjeel ziene greune jas. Allein haaj de keuzekemissie Loek gevraog om oppe foto veur Teun zien poster. D’r waas nog geine 2de adjudant en dus ging Loek veur de poster oppe foto es adjudant. Daonao dach eederein det Loek eine echte adjudant van Teun waas. Loek vonj ’t waal leuk maar haet oeteindelik zien adjudantsjap veur 20 euro verkoch aan….. Nelis.
Nelis waas al ein paar keer mitgegaon mit de Bacchusklup en vonj ’t waal sjoon om de resterende waeke es adjudant mit te loupe. Verder höbbe veer gein gegaeves van Nelis. Euver Loek kint geer nog ’t ein en anger laeze oppe saijt ónger ‘De Bacchusklup’. .JPG)
Kloekie