Leef Luuj,
Ich Bacchus Gijs d’n eerste bön 29 Jaor geleje gebaore in ‘t tegelse landj. Van dao oet bön ich mit de pap en de mam en breurke Loek verhoes nao Sjwaame.
Vervolges höb ich mich ein tiedje opgehaje in ‘t Ooste des landj, te weite Deventer. Hiej höb ich de sjtudie kommersjele Chemie gevolg. Det waas eine sjoone tied mit weinig sjtudie en väöl fees. Hiejdoor mós ich noodgedwonge trök nao Limburg. Mer hiejdoor kós ich waal gaon samewone mit mien vruike Nadine (doedels maedje) oppe Sjwamersjtraot (toch weer ein bietje trök nao Sjwaame).
Bön in de wiekende blieve wirke biej kefee de tramhalte, wo ich heel get sjoon aovende höb moge mitmake. Door de waek höb ich biej DSM gewirk en in de aovend oere höb ich mien Chemie sjtudie aafgemaak. Tussedoor zeen veer nog verhoes van de sjwamersjtraot nao de Roerkade, wo veer ein tiedje baove kefee Du pont höbbe gewoond. Det verzoepe is mich daorom neet onbekind.
Nao ós trouwerie in 2006 zeen mien vruike en ich verhoes nao ‘t vriej veldj, dao wo veer noe nog wone. ‘t wirke biej de kefee de Tramhalte en DSM höb ich inmiddels veruuld veur ein baan es Resaerch & Development Engineer biej BRB in Ittervoort. Allein mit vastelaovend wirk ich nog biej de kefee de Tramhalte.
In ‘t wiekend bring ich väöl van miene tied door oppe Hockeyklup, dao wo ich in ‘t 2e sjpeel.
Ich höb gekoze veur drie adjudante. Twee höb ich der gevonje oppe Hockeyklup en de derde biej de Tramhalte.
Ich en mien vreuwke Nadine
‘t vervaelende is det de achtername van mien adjudante allemaol beginne mit ein B. Dus veurjstelle op alfabetise volgorde haet gein zin…
Daorom doon ich ‘t maar van DIEK nao DUN.
Miene eerste adjudant is Herm Belgers.
Nao ein tiedje biej mich in de sjtraot te höbbe gewoond is der same mit zien vruike Loes trök nao zien roets gegaon. Hae woont noe al twee jaor in ‘t Hertense. Veur det d’r dao in zien nuuj hoes in kós trekke höb ich same mit Herm heel get uurkes gesjleuteld aan zien nuuj hoes. Door de waeks wirk der biej Verstegen & van Dun es Project Coördinator. Veur ein nuuj keuke, kas of aanbouw mót ger biej hem zeen. Op ‘t Hockeyveldj trékke veer vaak same ten strijde. Hae rechs en ich links. Auch mit dees daag zólle veer same ‘t sjpeel sjpele. 
Loes en Herm
Miene tweede adjudant is Michiel ten Berge.
Eine jong oet ‘t riek van de Katers. Mer taegeweurdig woont d’r in de binnesjtad van Remunj. Same mit Michiel höb ich heel get uurkes biej de Tramhalte gewirk zowel veur es achter de bar! Geer kint Michiel nog sjteeds vinje in de Tramhalte woor d’r es bedriefsleijer zorg det geer ein good getap pilske kint drinke.. Michiel zien grootste taak is dus om te zorge det ich altied veurzeen bön van ein lékker glaeske beer in mien Bacchus periode. 
Michiel
Miene derde adjudant is Ralph Bult.
Is eine jong oet ‘t riek van de Donderböl. Mer auch hae woont teageweurdig in ‘t Hertense.
Noe nog allein, mer nao de vastelaovend geit der same wone mit zien vruike Angelique.
Auch mit Ralph trek ich eder waek ten strijde op ‘t Hockeyveldj, hae links veur en ich op links half. Ralph is van hoes oet fotograaf en haet sinds ein aantal jaor ein eige zaak in de remunjse binnesjtad, genaamd fotolux.
Ralph is de meis presieze van de drie, daorom is hae verantjweurdelik veur de sjräöm en de medalies. 
\
Angelique en Ralph
Miene liefsjpreuk, Baeter diek zeen den diek doon, sprik veur zich.
Eine sjoone vastelaovend gewins.
Bacchus Gijs I 2009