2006 Bacchus Bertje I

Bacchus 2006 loestert nao de naam Bert Havelaar.
Hae is gebaore in Mumwerwoude äörges in Frieslandj.
Woont al 25 jaor in Remunj en getrouwt mit Andrea. Hae is vader van Robin en Mitchel en woont noe in 't riek van de Donderböl.
Bert is eine bekinde in de Remunjse horeka waereld, wo hae auch ziene kos in verdeent.
Verder kiekt de man gaer ein pötje voetbal en is d'r fen van F.C. Den Bosch, wo hae auch nog ein tiedje haet gewoont.
Same mit zien adjudante Peter en Jordy, geit hae dit jaor De Bacchusklup veur in dit sjpeel.
Ziene sjpreuk luit: 'mit de kurk van 't vaat waere veer zeker zalig zaat!'
O jao...Bert is 43 jaor.

De eerste adjudant van Bert loestert nao de naam Jordy Bindels.
Jordy is gebaore in Melick en woont noe same mit Gemma en dochter Tara in Herte.
Jordy is 30 jaor.

De tweede man dae Bert óngersjteunt dit jaor is Peter de Groot.
Peter is 41 lentes en woont same oppe kapel mit zien Doret. Hae is gebaore en getaoge oppe kemp.
Peter zit net es Bert in de horeca en geer kint 'm vaak vinje biej zien broor Francois dae kefee Le Journal runt op 't sjtasieplein.