2008 Bacchus Michel I

Beste luuj,

Veur die waat mich nog neet kinne zal ich mich ff veursjtelle.
Miene naam is Michel Fokkema, ich bön 36 jaor ( al liek ich jonger…) en zo es miene naam al duit vermoede, bön ich neet gebaore in Remunj maar in Leeuwarden.
Via St. Annaparochie, Oosterwolde, Veenhuizen (nae neet de bajes..) en Lelystad, zeen veer mit ós gezin oeteindelik belandj in Remunj.
Hiej zeen veer dus nooit meer weggegaon.

Ich woon al get jäörkes same in de binnesjtad mit Diana, dochter van Ger en Kittie van vès gelaegenheid ’t lekkerste vèske oppe mert in Remunj. Op vastelaovends maondaag 2002 waerde ós dochter Kiki gebaore, in ’t jaor det miene vrundj Gené Bacchus waas.

   

Nao ein aantal jäörkes techniese opleidinge, bön ich gaon wirke es auto monteur. Miene deensplich voldaon en nao de deenstied aan de sjlaag es vrachwage sjefäör. Det höb ich heel get jäörkes gedaon. Daonao bön ich nao get omwaege ein klein bedriefke begonne in kartonnage. Det is noe oetgegreujd toet eine groothanjel waor ich väöl tied en energie in sjtaek.

Ich bön in t wiekend en doordewaek vaak te vinje in kefee Le Journal, Cafe&ZO, Jan van de Chevalier, Villa Fiësta, de Viever, de Thooren, de Sjnats, Resistent en al die anger kroege in en om Remunj.

De bacchusklup haaj mich äörges rondj ’t jaor 2000 al ins aangegaeve det ze zeer gecharmeerd van mich ware, es eine toekomstige Bacchus. ’t Kwaam mich destieds neet good oet. En noe ich in 2008, 2x11 jaor in Remunj woon, is dit ein sjoon moment om ’t toch eindelik te waere.
Ich höb gekaoze veur maar eine adjudant, maar waal eine waat ’t werk veur 4 man duit es ’t mot. Moog ich ich veursjtelle aan miene vieking: Theo v/d/ Zalm.(de ketereer van de Bacchusklup)



Mit Theo höb ich al aardig get motor uurkes d’rop zitte. Hae is eine echte gezeligge man wo se van op aan kins
Theo is de eigenaar van Milwauky bikershop (waem kint ‘m neet…!)
Thei woont same mit Michelle (mies) en is vader van twee kienjer, nl: Marina en Joey.
Theo of Thei zal d’r veur zorge det ich nieks tekort kom en zal mich die sjpaarzame kórte waeke biejsjtaon. Dao wo ich bön, is Thei auch!

   

Mit miene sjpreuk: Fryslan boppe, Bacchus is neet te sjtoppe. gaon ich de vastelaovends gesjedenisbeuk in es Michel I, Bacchus 2008.

Estebleef.

Wis geer troewens det ich Michel I, Bacchus 2008:
…In 2008 nao Neel gaon verhoeze…
…Ich mesjien dan ooit biej de katers prins waer…
…Ein hoesorde höb det ein sjtopbord is mit ein greun lempke…
…Bedoel, det dit beteikent det ich neet te sjtoppe bön…
…Es Bacchus in eine limosine verveurd waer…
…Van mich mesjien allemaol mit moog…
…Gaer in sjnelle outo’s riej…
…D’r zelf eine höb…
…Vreuger es klein menke regiokampioen fierljeppe waas…
…Toen waal get atletiser oetzoog…
…Uch neet hoof te vertelle det ich gaer ein glaeske beer drink…
…Auch gaer ein pötje doon pokere…
…Ein aantal jaor geleje mit de motor nao Zjwede bön gewaes…
…Veur ein paar doezjend Harley freaks ‘Die layla’ höb gezonge…
…Gezeen höb det al die sjtoere motorboys det te gek vonje…
…Jos Becks höb zeen sjtaon meeke van emosie…
…Altied zèk det alles good kump…
…Aafgeloupe jaor mit de motor nao Tsjechië bön gewaes…
…Heel good plat kin kalle…
…Neet begriep det de meiste luuj, Hollands taege mich lulle…
…Noe gaon sjtoppe mit deze sjaele zeiver…
…Uch ein sjoon sezoen toe wins.


Waas gesjreve: Michel I, Bacchus 2008