’t Is eindelijk zo wied, daor sjtaon veer dan. Nao väölste te langk in sjpanning te höbbe gezaete. Ich zal mich aeve veursjtelle. Ich bön Goof Vilters, gebaore op 20 jannewarie 1999 in venlo, mer ich wis neet wie sjnel ig dao wegk mos om naor ’t sjone Remunj te komme. Op mement van sjrieve woon ich noch geweun toes biej pap en mam in Maerum en bön ich noch sjteeds vriegezel.(mer es Bacchus kin d’r sjnel verangering in komme).
Ouch ich mot al det beer natuurlijk örges van kinne betale. Ich werk in de horeca midde in de sjtad op ’t Munsterplein biej Brasserie Verkoch, ouch höb ich same mit ein vrundj (dae tevens ouch eine adjudant is) ein eigen bedriefke in de lekkerste beerkes van de waereld genaamd BUUZ. Tot sjlot bön ich ouch nog kantienbeheerder van de voetbalclub in Herten, SHH.
Om aeve door te gaon op ’t letste is det ouch metein ein van mien hobby’s, ig voetbal namelik in ‘t 2e elftal wò netuurlijk de 3e helf prioriteit haet op ’t voetbal. Ouchg bön ig dökker te vinje aan de goje kantj van de bar in de kefees in Remunj. Om dao lekker get wegk te tanke.
In mien vreugere jaore bön ich in 2011 ouch nog Jeugprins gewaes biej D’n Uul, wò mien pap 2 jaor daoveur de grote prins waas. Mer vanoet mien jeugd waas ’t hoogtepunt toch waal det de Bacchusklup mit de ganse dillegasie op mien 18e verjaordaag os hoes kwaam verboewe onger invloed van flink get aantal pilskes.
Verder zal ich oetsjeije mit euver michzelf get te zegke en zal ich mien adjudanten veursjtelle.(det doert waal aeve want ich höb d’r 5 namelik).
Te beginne mit Jorn van Herten. Dae kin ich al eine geruume tied. Hae is ouch de zakenpartner in Buuz. Veur de rest is hae drök bezig mit teikene es architect zeende en is d’r noe ouch noch bienao ein full time klusser in zien nuuj gekochte hoes.
Dan zeen veer biej de volgende adjudant aangekomme, namelik Job Joziasse. Hae is al miene vrunj sinds de middelbare sjool wò veer biej elkaar in de klas waerde gezat waat uiteraard geine hele sjlumme keus waor gewaes. Hae is noe werkzaam es Jurist.
Dan höbbe veer Tim Francot, Al jaore eine hele goje kammeraod van mich. Vreuger in de jeugd altied same mit gevoetbald en daonao ouch heel get sjone daag mit mitgemaak. Hae is noe werkzaam es Accountmanager in de arbeidsbemiddeling.
Dan sjtaon d’r nog 2 adjudanten te wachte om veurgesjteld te waere, wòvan d’r eine Glenn Gijzen is. Hae voetbalde vreuger altied biej mien broor biej VVV-Venlo. Dao kin ich ‘m ouch van en vanoet dao is d’r eine hele goje vrundjsjap ontsjtaon. Op dit mement is d’r teamleider biej de gemeinte.
Dan toet sjlot höbbe veer noch Wout Donkers. Dem höb ich ouch ’t zelfde es Tim lere kinne biej de voetbalklup en nao get hele sjone tiede ouch eine hele goje vrunj gewaore. Hae is werkzaam es advocaat ongernaemingsrech in Mestreech.
Es aafsjloeter kin ich mer baeter eindige mit miene sjpreuk,
Klaor kump se, vaerdig bös se
