De nuuje Bacchus 2003 loestert nao de naam Rob II, oftewaal Robbie I (van Deurzen), geer moog zellef keze…
Hae is 28 jaor, haet sjoonmaot 42 en een half, is vanzelfsjpraekend woonachtig in de Remunjse binnesjtad
en sinds kort erg gelökkig mit zien Bacchusmaedje Monique Roumen.
In ’t dageliks laeve is de God vanne Drank wirkzaam biej Waekblaad De Trompetter.
Hae is zeker geine onbekinde inne Remunjse oetgaons- en vastelaoveswaereld.
Zo is Rob II lid van De 1 maol 11 jäörige Masterbaere, ’t AB van D’n Uul, de Sjtichting Vastelaovesoptoch Remunj,
mede-organisator van de Remunjse Dweijelaovend, secretaris van Sjpaarkas de Kroon van Kefee De Tramhalte
en aktief lid van de ‘donderdaagaovend gezelligheidsklub’ van ditzelfde horeca-etabliesement.
Daonaeve moog d’r in de greun wei gaer ein belke trappe mit zien teamgenote van SHH 4,
fitnesse biej Aad-Uuleprins Raymond I, van tied toet tied de sjpinningfiets beklumme, d’r ‘aaf en toe eine drinke’,
eine gooje pot aajhore en vanzelfsjpraekend vastelaovend viere.
En in de uurkes die reste is Bacchus Rob II geregeld te vinje biej zien oma (veur de lekkere zondaagse soep!),
biej zien moder in Weert of in zien krib.
Hae is eine troewe supporter van ‘De Trots van het Zuiden’, Roda JC en BC Aad Remunj 1 – wo ziene pap de keu hanteert.
Bacchus 2003 Rob II regeert same mit zien adjudante Serf Laarmans en Mischa Beek onger ziene alleszegkende liefsjpreuk:
“Drie daag bal in edere sjtal!”